محفظتي
عيّنها كمحفظة رئيسية وكل الأسعار تولّي بالدولار، وتشتري المنتجات والرشق والأرقام من رصيد الدولار مباشرة.
تعليمات المحفظة
كم ياخذ وقت لين يوصل الرصيد؟
شحن ليبيانا والمدار تلقائي، والرصيد يوصل عادةً خلال دقيقة من التحويل. شحن المصرف يوصل بعد ما نراجع صورة الإيصال ونتأكد من التحويل.
حوّلت وما وصلني الرصيد، شن ندير؟
تأكد إنك حوّلت من نفس الرقم المكتوب في صفحة الشحن وبنفس القيمة. ادخل صفحة الشحن واضغط «تحقق الآن». لو ما وصل خلال 10 دقائق دوس «قدّم شكوى» تحت واكتب المبلغ والرقم اللي حوّلت منه.
علاش لازم أحوّل من نفس الرقم؟
النظام يتعرّف على تحويلك من رقم خطك. لو حوّلت من رقم ثاني ما يعرف إن التحويل لك، فما يوصل الرصيد لمحفظتك تلقائياً.
شن الفرق بين محفظة ليبيانا والمدار والمصرف؟
كل محفظة لها رصيدها الخاص، والرصيد ما ينتقل من محفظة لمحفظة. تشتري من المحفظة اللي شحنتها، والأسعار تتغير حسب المحفظة. المحفظة اللي تشحنها تصير تلقائياً هي اللي تشتري منها.
كم أقل وأكثر مبلغ نقدر نشحنه؟
يظهر لك الحد في صفحة الشحن.
كيف أعبّي كرت ليبيانا في محفظتي؟
من محفظة ليبيانا دوس «تعبئة كروت ليبيانا»، اختار قيمة الكرت واكتب الرقم السري بس (بدون *120* أو #) واضغط «تعبئة». خلال 5 إلى 45 ثانية تنضاف قيمة الكرت لمحفظتك ليبيانا. الكرت الغلط أو المستعمل ما ينضاف.
